D’Nordstad ass eng geplangten urban Entwécklungszon am Norden vu Lëtzebuerg, déi ronderëm Ettelbréck an Dikrech entsteet. Am Raum steet d’Fro, ob dës Entwécklung och eng Gemengefusioun erfuerdert.
Eng Fusioun beaflosst lokal Entscheedungen, d’Roll vun de Gemengeréit, administrativ Prozesser an d’Identitéit vun de betraffene Uertschaften.
D’Bierger entscheeden an engem Referendum. Eng informéiert Entscheedung ass entscheedend, well d’Konsequenze laangfristeg a schwéier réckgängeg sinn.
de Referendum ass an
Wéi den Här Finanzminister den 22. Januar 2026 an der Chamber, bei enger Diskussioun iwwert Europa, gesot huet:
„Firwat soll Zentralismus besser sinn ewéi Terrainsproximitéit?“
Genee déi Fro stellt sech och am Kontext vun der Nordstad. Firwat soll dat do anescht sinn?
Getrennte Gemenge si méi no bei de Bierger, méi flexibel an dacks méi effizient ewéi eng grouss, zentraliséiert Struktur.
Amplaz alles zesummen ze geheien, soll ee léiwer op staark, selbstänneg Gemengen setzen, déi fräiwëlleg zesummeschaffen an op gemeinsam Ziler hinarbechten.
Sou funktionéiert Terrainsproximitéit – an esou geet et am Endeffekt och besser.
Finanzen
Eng Gemengefusioun gëtt dacks als finanziell Virdeel duergestallt. Allerdéngs weisen Erfarungen, datt:
initial Käschte fir Harmoniséierung héich sinn
Erspuernisser net automatesch garantéiert sinn
méi grouss Strukturen dacks méi deier Verwaltung mat sech bréngen
Demokratie & Biergernoheet
Mat méi grousse Gemengen:
ginn Entscheedungsweeër méi laang
verléiert de Bierger u direktem Zougang zu gewielte Vertrieder
kleng lokal Uleies riskéieren ënnerzegoen
Infrastruktur & Alldag
Zentraliséierung kann Effizienz bréngen, mee och:
méi wäit Weeër fir administrativ Servicer
manner Flexibilitéit fir lokal Besoinen
Standardléisungen amplaz vu maßgeschneiderte Projeten
Vereinfacht Strukturen
Méi grouss administrativ Eenheet
Méiglech finanziell Synergien
Verloscht vu lokaler Selbstbestëmmung
Demokratesch Distanz tëscht Bierger a Politik
Onsécher wirtschaftlech Effekter
Schwéier réckgängeg ze maachen Entscheedung
Eng Fusioun ass eng irreversibel Entscheedung. Virdeeler si méiglech, mee net garantéiert – Nodeeler dogéint real an dauerhaft.
Nee. D’Nordstad kann och duerch Kooperatioun tëscht Gemengen entwéckelt ginn.
D’Gemengen bleiwen onofhängeg a kënnen hir Zesummenaarbecht op aner Weeër weiderféieren.
Praktesch gesinn: nee. Eng Fusioun ass quasi permanent.
Et ass absolut absurd: keen an der normaler Welt léisst sech en Haus bauen, mécht d’Decisioun fir ze bauen, an eréischt duerno setzt een sech mam Architekt zesummen, fir ze froen, wéi d’Haus eigentlech soll ausgesinn an op wat fir engem Terrain et iwwerhaapt ka stoen.
Genee esou leeft d’Nordstad-Fusioun.
D’Reiefolleg ass komplett op de Kapp gestallt: d’Politik huet sech festgeluecht, mee d’Pläng feelen, d’Detailer feelen, an d’Konsequenze ginn ignoréiert. Et ass roueg, bis op eemol nees eng hallef Informatioun eraus drëpst — all Kéier en neit Puzzle-Stéck, mee ni dat ganzt Bild.
Wat soll Vertraue schafen, wierkt wéi Improvisatioun. Wat Transparenz soll sinn, bleift Stëbs an der Loft. An um Enn soll d’Bevëlkerung „Jo“ soen, ouni ze wëssen, wat genee se eigentlech kritt.
D'NORDSTAD ass kee Spuermodell – wat se méi grouss gëtt, wat se méi deier gëtt.
Cui bono
Am Liewen ass neischt fir neischt, leider wessen nemmen e puer Leit wou de Virdeel leit.
Hei fannt Dir:
nei Entwécklungen zur Nordstad‑Diskussioun
Stellungnamen
Informatiounen zu Eventer an Diskussiounsronnen
